आळेफाटा, ता. १३ : आळे (ता. जुन्नर) परिसरातील संतवाडी, कोळवाडी, आगरमळ्यातील नागरिकांना गेल्या काही दिवसांपासून बिबट्याचे दररोज दर्शन होत आहे. त्यामुळे परिसरात भीतीचे वातावरण निर्माण झाले आहे.
भविष्यात कोणत्याही प्रकारचा अनुसूचित प्रकार घडू नये, यासाठी वनविभागाने बिबट्यांना पकडण्यासाठी पिंजऱ्यांची संख्या वाढवावी अशी मागणी माजी ग्रामपंचायत सदस्य गणेश गुंजाळ यांनी केली आहे. दरम्यान, येथील परिसरात बिबट्याचे प्रमाण वाढले असल्याने नागरिकांनी काळजी घ्यावी, पहाटे व रात्री व्यायाम करणे टाळा, शेतात काम करताना काळजी घेत जा, लहान मुलांना एकटे पाठवू नका, अशा सूचना वन विभागाच्या वतीने देण्यात आल्या आहेत.