आळेफाटा, ता. १० : येथील उपबाजारात शुक्रवारी (ता. १०) कांद्याची आवक घटल्याने बाजारभावात किलोमागे दोन ते तीन रुपयांची वाढ झाली. एक नंबर गोळा कांद्याला १० किलोसाठी १३० रुपये बाजारभाव मिळाला असून, बाजारात एकूण ५ हजार ७१९ पिशव्यांची आवक झाली होती.
बाजारातील लिलावात दोन नंबर कांद्यास ११० ते १२० रुपये, तर गोल्टी कांद्यास ८० ते १०० रुपये बाजारभाव मिळाला. बदला व चिंगळी कांद्याचे भाव ३० ते ७० रुपयांच्या दरम्यान राहिले. गेल्या महिनाभरापासून अपेक्षित भाव मिळत नसल्याने शेतकऱ्यांनी कांदा चाळीत साठवण्यावर भर दिला आहे. परिणामी, बाजारात आवक कमी होऊन दरात सुधारणा झाली आहे. मार्चच्या पहिल्या पंधरवड्यात ६ ते १० रुपये आणि दुसऱ्या पंधरवड्यात ६ ते ९ रुपये प्रति किलो मिळणारा भाव एप्रिलच्या पहिल्या आठवड्यात १० ते १२ रुपयांपर्यंत पोहोचला आहे.