आळेफाटा, ता. ११ : सहकारी संस्था टिकवायच्या असतील तर संचालकांनी सभासदांना विश्वासात घेऊन काम केले तर त्या टिकतील, से मत कृषी उत्पन्न बाजार समितीचे सभापती व पुणे जिल्हा मध्यवर्ती बँकेचे संचालक संजय काळे यांनी व्यक्त केले.

राजुरी (ता. जुन्नर) येथील विविध कार्यकारी सेवा सहकारी संस्था मर्यादितच्या वतीने सन २०२६-२७ चे खरीप हंगाम पीक कर्ज वितरण प्रसंगी ते बोलत होते. यावेळी १०५० सभासदांना नऊ कोटी ७० लाख रुपयांचे कर्ज वितरण करण्यात आले. तसेच बँक पातळीवर शंभर टक्के वसुली झाली आहे.

याप्रसंगी पुणे जिल्हा बँकेचे विभागीय अधिकारी सुभाषराव कवडे, बाळासाहेब मुरादे, संदीप जाधव, जयेश गाढवे, दीपक औटी तसेच शेतकरी उपस्थित होते.
यावेळी उपस्थित शेतकऱ्यांना मार्गदर्शन करताना काळे म्हणाले की, राजुरी येथील विविध कार्यकारी सोसायटीचे काम अतिशय आदर्श असून केंद्र व राज्य शासनाच्या विविध योजनांचा अवलंब ही संस्था करते.

08011