बेल्हे, ता. ३ : पारगावतर्फे आळे (ता. जुन्नर) येथील शेतकरी कुटुंबातील रवीना बाळासाहेब डुकरे हिने नुकतीच महाराष्ट्र लोकसेवा आयोगाच्या स्पर्धा परीक्षेच्या माध्यमातून पोलिस उपनिरीक्षक पदाला गवसणी घातली आहे.         
रविना डुकरे हिने पारगावतर्फे आळे येथील महात्मा गांधी विद्यालयात दहावीपर्यंत शिक्षण पूर्ण करून शिरूरच्या विद्याधाम प्रशालेत अकरावी व बारावीचे शिक्षण घेतले. पारगावतर्फे आळे येथे पोलिस उपनिरीक्षक पदाला गवसणी घालत गावच्या शिरपेचात मानाचा तुरा रोवल्याबद्दल ग्रामस्थांच्या वतीने तिची गावातून सवाद्य मिरवणूक काढण्यात आली. येथील महात्मा गांधी विद्यालयात ग्रामस्थांच्या वतीने तिचा निवडीबद्दल जाहीर सत्कार करण्यात आला.
याप्रसंगी शिरूरच्या विद्याधाम प्रशालेचे प्राचार्य वसंत सुकाळे, उद्योजक संभाजी चव्हाण, देवराम तट्टू, पारगावचे उपसरपंच रामचंद्र डुकरे, गोपाल कृष्ण पतसंस्थेचे अध्यक्ष प्रकाश चव्हाण, विकास सोसायटीचे अध्यक्ष प्रशांत तट्टू, बेल्हे येथील साईकृपा  पतसंस्थेचे अध्यक्ष सदाशिव बोरचटे, उपाध्यक्ष सावकार पिंगट, सामाजिक कार्यकर्ते जानकू डावखर, मंगरूळ गावचे सामाजिक कार्यकर्ते नीलेश लामखडे, पिंपरखेड गावचे  दयानंद ढोमे आदी उपस्थित होते.
दरम्यान, यावेळी विद्यालयातील इयत्ता आठवीमध्ये शिकत असणाऱ्या वेदिका कैलास डुकरे व वेदांती येवले या दोन विद्यार्थिनींचा एनएमएमएस परीक्षेमध्ये शिष्यवृत्तीस पात्र ठरल्याबद्दल ग्रामस्थांच्या वतीने सन्मान करण्यात आला.