पारगाव, ता. ३० : मेंगडेवाडी (गणेशनगर) (ता. आंबेगाव) येथे गणेशोत्सवानिमित्त रविवार (ता. १) ते रविवार (ता. ८) सप्टेंबरपर्यंत अखंड हरिनाम सप्ताहानिमित्त कीर्तन महोत्सवाचे आयोजन केल्याची माहिती गणेश देवस्थान ट्रस्टच्या वतीने देण्यात आली.
सप्ताह काळात दररोज सकाळी पहाटे ४ ते ६ काकडा भजन, सकाळी ७ ते १० ज्ञानेश्‍वरी पारायण, ११ ते दुपारी १२ गाथा भजन, दुपारी ४ ते सायंकाळी ५ प्रवचन, ६ ते ७ हरिपाठ, सायंकाळी ७ ते रात्री ९ हरिकीर्तन त्यानंतर अन्नप्रसाद आणि १० नंतर हरिजागर असे दैनंदिन कार्यक्रम होणार आहे. आकाश महाराज राजनाथ, हनुमंत महाराज गंमथडे, नीलेश महाराज कोरडे, गणेश महाराज वाघमारे, माउली महाराज कदम, गोविंद महाराज गोरे, दयानंद महाराज कोरेगावकर आणि अखेरच्या दिवशी अनिल महाराज तुपे यांचे सकाळी ९ ते ११ पर्यंत काल्याचे कीर्तन होणार आहे. शनिवारी (ता. ७) सकाळी श्रींची महापूजा, हारतुरे, मांडवडहाळे, शेरणी वाटप, दुपारी भजन स्पर्धा होईल. तर रविवारी (ता. ८) काल्याचे कीर्तन, श्रींची महापूजा, शेरणी वाटप, पालखीची मिरवणूक, महाप्रसादाच्या कार्यक्रमाने सप्ताहाची सांगता होणार आहे.