धामणी येथे गुणवंत विद्यार्थ्यांचा सत्कार

पारगाव ता. २३ : धामणी (ता. आंबेगाव) येथे संत शिरोमणी सावता महाराज पुण्यतिथी सोहळ्यानिमित्त अखंड हरीनाम सप्ताहाचे आयोजन केले आहे. या निमित्ताने आयोजित सर्व रोग निदान शिबिरात २४७ रुग्णांची तपासणी, तसेच दहावी, बारावी, राज्य व जिल्हा पातळीवर यश मिळवलेल्या गुणवंत विद्यार्थ्यांचा सत्कार सभारंभ कार्यक्रम घेण्यात आला.
रविवार (ता. २०) संत सावतामाळी विकास मंडळ, रोटरी क्लब भोसरी, शिवनेरी हॉस्पिटल व आनंद मल्टीस्पेशालिटी भोसरी यांच्या संयुक्त विद्यमाने संत सावता महाराज सभामंडपात कार्यक्रमाचे आयोजन केले होते. यावेळी डॉ. संजय घबाले, डॉ. अजित पोफळकर, डॉ. तमन्ना तांबोळी, डॉ. योगेश गाडेकर, डॉ. रोहन वाबळे, डॉ. कृष्णा दळवी, डॉ. राजेंद्र वाकचोरे, डॉ. विठ्ठल विधाटे यांनी २४७ रुग्णांची मोफत तपासणी करून तब्बल दीड लाख रुपयांची औषधे मोफत दिली.
या प्रसंगी भोसरी रोटरी क्लबचे माजी अध्यक्ष प्रा. डॉ. अशोक पगारिया, मंडळाचे अध्यक्ष उद्योजक ज्ञानेश्वर विधाटे, वसंत जाधव, प्रदिप भूमकर, उपसरपंच अक्षय विधाटे, विलास पगारिया, शांताराम जाधव, काळूराम विधाटे, कारभारी विधाटे, किशोर विधाटे, जगन विधाटे, दीपक विधाटे, रोहित भूमकर, बबन भूमकर, गणपत विधाटे, तुकाराम विधाटे, शिवदास वाव्हळ, निशांत विधाटे, नामदेव वाकचौरे व बहुसंख्येने ग्रामस्थ, विद्यार्थी उपस्थित होते. अक्षय विधाटे यांनी सूत्रसंचालन केले.

धामणी (ता. आंबेगाव) : दहावी, बारावी, राज्य व जिल्हा पातळीवर यश मिळवलेल्या गुणवंत विद्यार्थ्यांचा सत्कार करताना.