आपटाळे, ता. ३० : पुणे जिल्ह्यातील जिल्हा परिषद शाळांमधील विज्ञान पदवीधर शिक्षकांची पदोन्नती प्रक्रिया तातडीने राबवावी. सर्व पदवीधरांना पदवीधर वेतनश्रेणी लागू करण्यात यावी, आदी मागण्या पूर्ण करण्यासाठीचे निवेदन शिक्षक संघाच्या वतीने जिल्हा परिषदेचे मुख्य कार्यकारी अधिकारी गजानन पाटील यांना मंगळवारी (ता. २८) देण्यात आले.
याबाबतची माहिती संघाचे राज्य अध्यक्ष बाळासाहेब मारणे व सरचिटणीस खंडेराव ढोबळे यांनी दिली. यावेळी केंद्रप्रमुख संघाचे राज्य अध्यक्ष राजेंद्र जगताप, जिल्हा संघाचे कार्याध्यक्ष पोपटराव निगडे, कोषाध्यक्ष माऊली पुंडे, पुणे विभागीय अध्यक्ष रोहिदास मेमाणे, हवेली तालुका अध्यक्ष जयवंत मोहिते, जुन्नर कार्याध्यक्ष वैभव सदाकाळ, शिरूर कार्याध्यक्ष राहुल घोडे, शिक्षक नेते सदू मुंढे, दीपक पानसरे आदी उपस्थित होते.