भुकूम, ता. १७ ः खारावडे (ता. मुळशी) येथील सार्वजनिक व शैक्षणिक क्षेत्रात काम करणाऱ्या मैत्र जिवांच्या संस्थेला पुणे जिल्हा मध्यवर्ती सहकारी बँकेकडून ५० हजार रुपयांचा निधी देण्यात आला. संस्थेच्या अध्यक्षा मधुरा भेलके व ग्रामस्थांनी तो स्वीकारला.
मुठा खोरेतील शैक्षणिक व सामाजिक कार्यासाठी ग्रामस्थांनी एकत्र येऊन ही संस्था दोन वर्षापूर्वी स्थापन केली आहे. खारावडे, आंदगाव, कोळावडे, मुठा येथील विद्यार्थ्यांसाठी विविध उपक्रम राबविण्यात येतात. जिल्हा बँकेने संस्थेचे काम पाहून निधी दिला असल्याचे बँकेचे उपाध्यक्ष सुनील चांदेरे यांनी सांगितले. यावेळी राष्ट्रवादी कॉंग्रेस शरद पवार पक्षाचे तालुकाध्यक्ष महादेव कोंढरे, संत तुकाराम साखर कारखान्याचे माजी संचालक अंकुश उभे, दूध संघाचे संचालक चंद्रकांत भिंगारे, भरत मारणे, सरपंच लक्ष्मण मारणे, माजी सरपंच शंकर मारणे, दिनेश जोगावडे, संचालिका उमा माने, वृंदा येनपुरे, सीताराम कांबळे, बँकेचे अधिकारी सुरेश नागरे, राजेंद्र मारणे, आनंद कुडले आदी उपस्थित होते.

02658