भुकूम, ता. २४ : रिहे येथील सामाजिक कार्यकर्ते तात्यासाहेब देवकर यांनी मुळशी तालुक्यातील तीन माध्यमिक विद्‍यालयांमधील अठरा गरजू मुलींना शिक्षणासाठी दत्तक घेतले आहे. त्यांना आर्थिक मदत म्हणून रिहे येथील भैरवनाथ विद्यालयात आमदार शंकर मांडेकर व पांडुरंग महाराज शितोळे यांच्या हस्ते धनादेश देण्यात आले. यावेळी मुख्याध्यापक एस. जी. वाघ, नंदू भोईर व इतर ग्रामस्थ उपस्थित होते. तालुक्यातील खाबोली येथील मामासाहेब मोहोळ विद्यालय, आदगावचे विद्या विकास मंदिर या हायस्कूलमधील मुलींना मदत देण्यात आली.