बारामती, ता. २२ : पोलिस कंट्रोल रूमला केलेल्या तक्रारीमुळे तसेच पोलिस यंत्रणेचा गैरवापर केल्याचे सांगत ३,१५० रुपयांची लाच मागितली. यातील तीन हजार रुपये स्वीकारताना संतोष जगन्नाथ पवार (वय ३९, नेमणूक-बारामती शहर पोलिस ठाणे) या कर्मचाऱ्याला लाचलुचपत प्रतिबंधक विभागाने पकडले.

शुक्रवारी (ता.२१) ही कारवाई करण्यात आली. या प्रकरणातील तक्रारदाराने पोलिस कंट्रोल रूमला तक्रार केली होती. तसेच त्या तक्रारीचा फाॅलोअप घेण्यात आला. त्यामुळे पवार यांनी त्या तक्रारदाराला तुम्ही पोलिस यंत्रणेचा गैरवापर केल्याचे सांगितले. त्या पोटी त्यांच्याकडे लाचेची मागणी केली. तडजोडीअंती ३ हजार रुपये घेताना पवार यांच्यावर कारवाई करण्यात आली. एसीबीचे पोलिस अधीक्षक अमोल तांबे, उपअधीक्षक सूरज गुरव यांच्या मार्गदर्शनाखाली पोलिस निरीक्षक प्रवीण निंबाळकर व पथकाने ही कारवाई केली.