बारामती : येथील एमआयडीसी येथील महाराष्ट्र राज्य वखार महामंडळाच्या गोदामात मतमोजणी होणार असल्याने या गोदामासमोरील डायनामिक्स कंपनी ते भारत फोर्ज कंपनी एमआयडीसीकडे जाणारा रस्ता शनिवारी (ता. २३) वाहतुकीसाठी बंद ठेवण्यात येणार आहे. याबाबत जिल्हा निवडणूक तथा जिल्हा दंडाधिकारी डॉ. सुहास दिवसे यांनी अधिसूचना जारी केली आहे. वखार महामंडळ गोदामात मतमोजणी प्रकिया होणार असल्याने या ठिकाणी उमेदवार व त्याचे कार्यकर्ते मोठ्या प्रमाणात येणार आहेत. त्यामुळे गर्दी होण्याची शक्यता आहे. त्यामुळे या दिवशी बारामती एमआयडीसी येथील डायनामिक्स कंपनी ते भारत फोर्ज व भारत फोर्ज ते डायनामिक्स कंपनी रस्ता असा दोन्ही बाजूंनी वाहतुकीसाठी ताप्तुरत्या स्वरूपात बंद केला जाणार आहे.