बारामती, ता. १ : येथील पुण्यश्‍लोक अहिल्यादेवी होळकर शासकीय वैद्यकीय महाविद्यालयात अहिल्यादेवी होळकर यांच्या ३०० व्या जयंतीनिमित्त शनिवारी (ता. ३१) रक्तदान शिबिर घेण्यात आले.
महाविद्यालयाचे अधिष्ठाता डॉ. चंद्रकांत म्हस्के यांच्या पुढाकारातून हे शिबिर घेण्यात आले. महाविद्यालयातील डॉक्टर, परिचारिका व निमवैद्यकीय कर्मचाऱ्यांनी विशेष परिश्रम घेतले. या शिबिरात १६७ जणांनी रक्तदान केले. रक्तदान करणाऱ्या रक्तदात्याला प्रशस्तिपत्र देण्यात आले.
यावेळी उपअधिष्ठाता डॉ. प्रज्ञा भालेराव, विभागप्रमुख डॉ. अंजली शेटे, वैद्यकीय अधीक्षक डॉ. राजेश उमप, सहयोगी प्राध्यापक डॉ. मीनल शिंगाडे, प्रशासकीय अधिकारी नंदकुमार कोकरे उपस्थित होते.