बारामती, ता. २४ : महाराष्ट्र राज्य शिष्यवृत्ती परिक्षेत तसेच केंद्रीय जवाहर नवोदय विद्यालय प्रवेश परिक्षेत विद्या प्रतिष्ठान मराठी माध्यमिक शाळेच्या विद्यार्थ्यांनी यश संपादन केले. शाळेचे सहा विद्यार्थी शिष्यवृत्ती परिक्षेत गुणवत्ता यादीत चमकले असून सर्वेश धर्माधिकारी याने राज्यात नववा क्रमांक मिळविला आहे. तसेच जवाहर नवोदय परिक्षेत सर्वेश धर्माधिकारी व आदित्य मुंडे दोघे उत्तीर्ण झाले आहेत. इयत्ता पाचवी शिष्यवृत्ती परीक्षेत सर्वेश धर्माधिकारी, श्लोक देवकाते, आदित्य मुंडे, अनुष्का नवले, शार्दूल शिंदे, दर्शन अवंतकर यांच्यासह इयत्ता आठवीमधून सान्वी महारनवर ही शिष्यवृत्तीस पात्र ठरली आहे. या विद्यार्थ्यांना व त्यांना मार्गदर्शन करणाऱ्या शिक्षकांचे मुख्याध्यापक प्रकाश यादव व इतर शिक्षकांनी अभिनंदन केले.