बारामती, ता. ३० : बारामती येथील महावीर पथ व्यापारी असोसिएशनच्या अध्यक्षपदी मनोज खुटाळे यांची तर कार्याध्यक्षपदी हार्दिक गुजराथी यांची एकमताने निवड करण्यात आली. बारामती व्यापारी महासंघाचे संस्थापक नरेंद्र गुजराथी यांच्या अध्यक्षतेखाली नुकतीच बैठक झाली. त्यात नवीन कार्यकारिणीची घोषणा करण्यात आली. उपाध्यक्षपदी अंकीत जैन, सचिवपदी ॲड. सुजित झगडे तर खजिनदारपदी सुयोग मुथा यांची निवड करण्यात आली. यावेळी महासंघाचे अध्यक्ष सुशील सोमाणी, जगदीश पंजाबी आदी उपस्थित होते.