बारामती, ता. २८ : शासनाच्या अल्पसंख्याक विभागामार्फत ‘हिंद दी चादर’ या विशेष कार्यक्रमाचे आयोजन करण्यात आले असून, गुरू तेग बहाद्दूर साहिब यांच्या ३५० व्या शहिदी समागम दिनानिमित्त रविवारी (ता. १) मुंबईतील खारघर येथे हा सोहळा पार पडणार आहे.
या कार्यक्रमास पंतप्रधान नरेंद्र मोदी उपस्थित राहणार असून, केंद्रीय गृहमंत्री अमित शहा, मुख्यमंत्री देवेंद्र फडणवीस, उपमुख्यमंत्री एकनाथ शिंदे व सुनेत्रा पवारही येणार असल्याची माहिती आयोजकांकडून देण्यात आली. या कार्यक्रमासाठी बारामती गुरुद्वारा कमिटीच्या वतीने भाविकांना बारामतीहून घेऊन जाण्याचे नियोजन करण्यात आले आहे.
कार्यक्रमासाठी बारामतीचे नगराध्यक्ष सचिन सातव, उपविभागीय अधिकारी वैभव नावडकर, तहसीलदार स्वप्निल रावडे, तसेच नगरपरिषदेचे गटनेते नगरसेवक संजय संघवी, राष्ट्रवादीचे शहराध्यक्ष किरण इंगळे आणि महेश आगवणे यांचे सहकार्य मिळाल्याचे सूत्रांनी सांगितले. उपक्रमाचे नियोजन प्रवीण आहुजा, जगदीश पंजाबी, ब्रह्मप्रकाश खत्री, संजय आहुजा, लक्ष्मीकांत रोहाणी, मोहन भटियानी, पवन आहुजा, रमेश पंजाबी, संजय गुरुवाडे यांनी केले आहे.