बारामती, ता. ७ : बारामती विधानसभा मतदार संघाच्या पोटनिवडणुकीसाठी मंगळवारी (ता.४) पार पडलेल्या छाननी प्रक्रियेत दोन उमेदवारांचे एकूण सहा अर्ज बाद ठरविण्यात आले. त्यामुळे छाननीनंतर आता या निवडणुकीसाठी ५३ उमेदवार रिंगणात राहिले आहेत. उमेदवारी अर्ज माघारी घेण्याची अंतिम मुदत ९ एप्रिलपर्यंत असून, त्यानंतर अंतिम उमेदवारांची यादी जाहीर होणार आहे. निवडणूक निर्णय अधिकारी उत्तम दिघे, सहाय्यक निवडणूक निर्णय अधिकारी स्वप्नील रावडे यांनी याबाबत माहिती दिली.