चाकण, ता. १७ : चाकण (ता. खेड) येथील महात्मा फुले बाजारात रविवारी (ता.१७) कांद्याची नऊशे क्विंटल आवक झाली. प्रतवारीनुसार
कांद्यास प्रतिकिलोला साठ रुपये बाजारभाव मिळाला. हाच कांदा किरकोळ बाजारात प्रतिकिलो सुमारे ८० रुपयांनी विकला गेला. टोमॅटोची चाळीस टन आवक झाली. इतर पालेभाजांचे बाजाभार स्थिर आहे. कोथिंबिरीची आवक घटली असून, सुमारे पन्नास हजार जुड्यांची आवक झाली.

बाजारात टोमॅटोची चाळीस टन आवक झाली.त्यास प्रतिकिलोस प्रतिकिलोस वीस ते तीस रुपये बाजारभाव मिळाला. लसणाची फक्त वीस क्विंटल आवक झाली. घाऊक बाजारात त्यास प्रतिकिलो ३२० रुपये बाजारभाव मिळाला, अशी माहिती खेड कृषी उत्पन्न बाजार समितीचे सभापती विजय शिंदे, सचिव बाळासाहेब धंद्रे यांनी दिली.

बाजारात बुलडाणा, नंदुरबार जिल्ह्यातून हिरव्या मिरचीची सुमारे चाळीस टनांवर आवक झाली. हिरवी मिरची घाऊक बाजारात २० ते ४० रुपये प्रतिकिलोने विकली जात आहे. टोमॅटोची आवक सातारा, अहिल्यानगर, नाशिक जिल्ह्यातून होत आहे. बटाट्याची आवक अडीच हजार क्विंटल झाली. बटाट्याला प्रतिकिलोला सुमारे २५ ते ३८ रुपये बाजारभाव मिळाला. बाजारात इंदोर, आग्रा येथून बटाट्याची आवक होत आहे. बटाट्याला मोठी मागणी आहे.

फळभाज्यांचे प्रतिकिलोचे बाजारभाव पुढीलप्रमाणे : हिरवी मिरची- २० ते ४०, परवल -५०, हिरवा वाटाणा-८० ते १००, भेंडी-४५ ते ५५, टोमॅटो-२० ते ३०, गवार- ५० ते ८० , फ्लॉवर २० ते २५, कोबी १८ ते २८, दुधी भोपळा १० ते २०, राजमा वाल -१००, चवळी- ३० ते ४०, शेवगा - ५० ते ७०, ढोबळी मिरची- ५० ते ७०, आद्रक- ८० ते १००, दोडका-४० ते ५०, वांगी -४५ ते ५५, काकडी -१० ते १५.

कोथिंबीर मेथीच्या ५० हजार जुड्यांची आवक
कोथिंबीर, मेथीच्या सुमारे पन्नास हजार जुड्यांची आवक झाली. एका जुडीला पाच रुपये ते दहा रुपये राहिले. मेथीची एक जुडी १८ ते २८ रुपयाला विकली गेली. कोथिंबिरीची एक जुडी पाच ते दहा रुपयाला विकली गेली. शेपूची एक जुडी १० ते १५ रुपयाला विकली गेली. पालकच्या तीन हजार जुड्यांची आवक झाली. एक जुडी दहा ते पंधरा रुपयाला विकली गेली.

07672