चाकण, ता. २४ : शेलपिंपळगाव (ता. खेड) येथील आमदार दिलीपराव मोहिते पाटील ग्रामीण बिगरशेती सहकारी पतसंस्थेच्या अध्यक्षपदी मनोज खांडेभराड, उपाध्यक्षपदी संतोष साबळे तसेच सचिवपदी शंकरराव रघुनाथ मोहिते यांची बिनविरोध निवड झाली आहे. याबाबत खांडेभराड, मोहिते यांनी माहिती दिली.
राजगुरुनगर (ता. खेड) येथे बाजार समितीच्या सभागृहात ही निवड करण्यात आली. अध्यक्ष, उपाध्यक्षपदी एकमेव उमेदवारी अर्ज दाखल झाल्याने खांडेभराड व साबळे यांची निवडणूक बिनविरोध झाली असे निवडणूक निर्णय अधिकारी एस. एम. बगाटे यांनी जाहीर केले. यावेळी संस्थेचे संस्थापक सतीश मोहिते, संचालक संदीप पोटवडे, कालिदास दौंडकर, संजय दिघे, दिगंबर लोणारी, भगवान खैरे, सुरेखा दौंडकर, वृषाली साबळे, व्यवस्थापक सागर आवटे, सहव्यवस्थापक संजय मोहिते आदी उपस्थित होते.
नवनिर्वाचित अध्यक्ष, उपाध्यक्ष तसेच इतर पदाधिकाऱ्यांचा सत्कार माजी आमदार दिलीप मोहिते व माजी जिल्हा परिषद सदस्या सुरेखा मोहिते यांच्या हस्ते करण्यात आला. संस्थेचे शेतकरी सभासद व इतर सभासद वाढविण्यासाठी विशेष प्रयत्न करणार असून शेतकरी, कामगार, बेरोजगार तरुणांना उद्योगधंद्यासाठी तसेच महिलांच्या सबलीकरणासाठी कर्ज पुरवठा करण्यावर विशेष भर देणार असल्याचे खांडेभराड यांनी सांगितले.