चाकण, ता. १२ : चाकण नागरी सहकारी पतसंस्थेच्या अध्यक्षपदी नवनाथ महादेव शेवकरी यांची तसेच उपाध्यक्षपदी गिरीश अशोक गोरे यांची बिनविरोध निवड झाल्याची माहिती संस्थेचे सचिव अनिल धाडगे यांनी दिली.
चाकण नागरी सहकारी पतसंस्थेचे अध्यक्ष गोरक्षनाथ कांडगे व उपाध्यक्ष लक्ष्मण वाघ यांनी इतरांना काम करण्याची संधी मिळावी, यासाठी स्वखुशीने राजीनामा दिला होता. त्यानंतर रिक्त झालेल्या जागेवर निवडणुकीची प्रक्रिया सहाय्यक निबंधक सहकारी संस्था खेडचे निवडणूक निर्णय अधिकारी सचिन देशमुख यांनी राबविली. अध्यक्ष पदासाठी नवनाथ शेवकरी तसेच उपाध्यक्ष पदासाठी गिरीश गोरे यांचा एकमेव अर्ज आल्याने त्यांची निवड बिनविरोध झाली. चाकण पतसंस्थेच्या सभागृहात घेण्यात आलेल्या निवडणुकीवेळी संस्थेचे संचालक नितीन गोरे, नीलेश टिळेकर, सुनील नायकवाडी, अशोक बिरदवडे, सुरेश कांडगे, बाळासाहेब साळुंके, प्राजक्ता गोरे, साधना गोरे, अनिल धाडगे आदी उपस्थित होते.
सचिव अनिल धाडगे यांनी सूत्रसंचालन केले व आभार मानले.