चाकण, ता. १९ : येथील पी. के. फाउंडेशन संचालित पी. के. इंटरनॅशनल स्कूलचा दहावीच्या परीक्षेचा निकाल १०० टक्के लागला. यामध्ये विनीत यादव याने ९६ टक्के गुण मिळवत प्रथम क्रमांक पटकावला. अनिकेत नारोजी व शुभम जयसिंह (प्रत्येकी ९४%), श्लोक अल्हाट (९४ %), तन्वी पिंगळे, श्रावणी धाडगे, सृष्टी दुबे, संजना कुमारी (९३%) यांनी उल्लेखनीय यश संपादन केले. विषयवार गुणवंतांमध्ये इंग्रजी विषयात अनिकेत नारोजी (९७/१००) अव्वल ठरला. मराठी विषयात ज्ञानेश्वरी नेहरे, अनिकेत नारोजी व अनमोल तेलगोटे (प्रत्येकी ९८/१००) यांनी यश मिळवले. गणित विषयात श्लोक अल्हाट (९१/१००), विज्ञान विषयात विनीत यादव व संजना कुमारी (प्रत्येकी ९८/१००) यांनी उत्कृष्ट कामगिरी केली. या यशाबद्दल संस्थापक अध्यक्ष प्रतापराव खांडेभराड तसेच संस्था प्रतिनिधी डॉ. निकिता खांडेभराड व शाळेचे प्राचार्य, शिक्षक व पालकांनी विद्यार्थ्यांचे अभिनंदन केले असून त्यांच्या पुढील शैक्षणिक वाटचालीसाठी शुभेच्छा दिल्या आहेत.