चास, ता. ८ : चिखलगांव (ता. खेड) येथे पशू वैद्यकीय मार्गदर्शन, प्रशिक्षण व मोफत उपचार शिबिराचे नुकतेच आयोजन केले होते. या शिबिरामध्ये जनावरांच्या आरोग्याबरोबरच दूध वाढ, योग्य आहार व संगोपन याबाबत मार्गदर्शन करण्यात आले

पुणे जिल्हा दूध उत्पादक संघ व वाडा दूध केंद्राच्या संयुक्त विद्यमाने चिखलगाव येथे वैद्यकीय मार्गदर्शन, प्रशिक्षण व मोफत उपचार शिबिराचे आयोजन केले होते. शिबिरात मार्गदर्शक म्हणून नोवा फार्माचे अधीक्षक मनोहर पाटील यांनी दूध वाढ याबाबत मार्गदर्शन केले. खेडचे माजी आमदार दिलीप मोहिते पाटील यांच्या वाढदिवसानिमित्त शिबिराचे आयोजन केले होते.
पुणे जिल्हा दूध उत्पादक संघाचे वैरण विकास अधिकारी प्रशांत अहिरे यांनी पुणे जिल्हा दूध उत्पादक संघाच्या वतीने दूध व्यावसायिक शेतकऱ्यांसाठी राबविल्या जाणाऱ्या अनेक योजनांची माहिती दिली.
कार्यक्रमासाठी कात्रज दूध उत्पादक संघाचे व्यवस्थापक उमेश कुंभार, सोमनाथ गायकवाड, सुभाष गोपाळे, संतोष वीर, मनोहर पाटीदार, बाळासाहेब गोपाळे, चिखलगाव आणि परिसरातील अनेक संस्थांचे अध्यक्ष, संचालक व दूध व्यावसायिक उपस्थित होते. कार्यक्रमाचे आयोजन जिल्हा दूध उत्पादक संघाचे अध्यक्ष स्वप्नील ढमढेरे यांच्या माध्यमातून जिल्हा दूध उत्पादक संघाचे संचालक अरुण चांभारे, संचालिका लता गोपाळे यांनी केले होते.
या कार्यक्रमासाठी पशुवैद्यकीय अधिकारी डॉक्टर देवेंद्र ओव्हाळ, डॉक्टर संतोष वीर, डॉक्टर किशन आडे, ज्ञानदेव गोपाळे, श्रीराम गोपाळे, सुरेश गोपाळे, अनिल गोपाळे, शंकर गोपाळे, सचिन गोपाळे, सचिन थोरात, काळूराम भवार, श्रीराम सुतार, दगडोबा डावरे आदी उपस्थित होते.
माजी सरपंच बाळासाहेब गोपाळे यांनी सूत्रसंचालन तर ज्ञानदेव गोपाळे यांनी आभार मानले.

03464