दौंड, ता. ३ : नानवीज (ता. दौंड) येथे झालेल्या चोरीत बहात्तर हजार रुपयांचा ऐवज चोरीस गेला आहे. दौंड पोलिस ठाण्याचे अंमलदार बापू रोटे यांनी याबाबत माहिती दिली. नामदेव लडकत यांच्या घरी २५ फेब्रुवारी रोजी ही चोरी झाली. लडकत कुटुंबीय झोपलेले असताना चोरट्याने दरवाजाची कडी व कोयंडा तोडून आत प्रवेश करीत घरातील दोन लोखंडी पेट्या चोरून नेल्या. त्या पेट्यांमध्ये सोन्याची बोरमाळ, नथ आणि रोख वीस हजार रुपये, असा एकूण ७२ हजार ५०० रुपयांचा ऐवज होता. नामदेव ग्यानबा लडकत यांनी या बाबत एक मार्च रोजी दिलेल्या फिर्यादीनुसार, दौंड पोलिसांनी अज्ञात चोरट्याविरुद्ध गुन्हा दाखल केला आहे.