दौंड , ता. २० : वडगाव बांडे (ता. दौंड) येथे सोमवारी (ता. २१) लोकशाही दिनाचे आयोजन करण्यात आले आहे, अशी माहिती दौंड तालुक्याचे तहसीलदार अरुण शेलार यांनी दिली.
लोकशाही दिनानिमित्त वडगाव बांडे ग्रामपंचायत कार्यालयात तालुक्यातील सर्व शासकीय विभागाचे अधिकारी व प्रतिनिधी उपस्थित राहणार आहेत. सकाळी साडेदहा वाजता ग्रामस्थांना शासनाच्या विविध विभागांसंबंधी असलेल्या अडीअडचणी थेट अधिकाऱ्यांसमोर मांडता येणार आहेत. ग्रामपंचायत, सार्वजनिक बांधकाम विभाग, पोलिस, कृषी, सामाजिक न्याय, महिला व बालकल्याण, महसूल, पंचायत राज, आरोग्य विभाग आदी शासकीय विभागांचे अधिकारी या वेळी उपस्थित राहणार आहेत. ग्रामस्थांनी या लोकशाही दिनात सहभागी होताना आपले अर्ज तीन प्रतींमध्ये सोबत आणावेत, असे आवाहन शेलार यांनी केले आहे. प्रत्येक महिन्याच्या तिसऱ्या सोमवारी तालुक्यातील विविध ठिकाणी लोकशाही दिनाअंतर्गत नागरिकांच्या अडीअडचणी सोडविण्याचे कामकाज केले जाणार आहे.