दौंड, ता. १९ : शहरातील कुशन वर्क्सचे व्यावसायिक सुनील वालचंद व्हांकाडे (रा. शिवगौरी अपार्टमेंट, समतानगर, दौंड) यांची दुचाकी शनिवारी (ता. १३) चोरीला गेली आहे. सदनिकेच्या वाहनतळात दुचाकी उभी करून ते सांगली जिल्ह्यातील आजारी नातेवाइकांना भेटण्याकरिता गेले होते. दुसऱ्या दिवशी परतल्यानंतर त्यांना त्यांची दुचाकी चोरीला गेल्याचे आढळून आले. दौंड पोलिस ठाण्यात बुधवारी (ता. १७) व्हांकाडे यांनी दिलेल्या फिर्यादीनुसार पोलिसांनी अज्ञाताविरुद्ध चोरीचा गुन्हा दाखल केला आहे. होंडा कंपनीची युनिकॅार्न मॅाडेल असलेली आणि ३५ हजार रुपये मूल्य असलेली ही दुचाकी चोरीला गेल्याचे फिर्यादीत नमूद केले आहे.