डोर्लेवाडी, ता. १६ : डोर्लेवाडी (ता. बारामती) येथे ‘डोर्लेवाडी प्रीमियर लीग’चे आयोजन करण्यात आले होते. या स्पर्धेमध्ये संघर्ष वरद इलेव्हन संघाने विजेतेपद पटकावले. पाच दिवस चाललेल्या या स्पर्धेला ग्रामस्थांचा उत्स्फूर्त प्रतिसाद मिळाला.
या स्पर्धेमध्ये शिवप्रेमी, छावा वॉरियर्स, के. पी. स्पोर्ट्स, जय तुळजाभवानी यांसह एकूण १२ संघांनी साखळी पद्धतीने सहभाग घेतला. अंतिम फेरीत संघर्ष वरद इलेव्हनने प्रथम, मंदार सोलरने द्वितीय, के. पी. स्पोर्ट्सने तृतीय, तर छावा वॉरियर्सने चतुर्थ क्रमांक मिळविला.
विजेत्या संघांना रोहिणी आटोळे-खरसे, अनिकेत गवळी, दिनेश हिंदुळे, विनायक जाधव यांच्यासह मान्यवरांच्या हस्ते रोख बक्षिसे व स्मृतिचिन्ह देऊन गौरविण्यात आले. ॲड. सचिन दळवी, किशोर खोत, सागर राऊत, भाऊ म्हांगडे व सहकाऱ्यांनी या उपक्रमाचे नियोजन केले होते.

01292