दावडी, ता. २० : दावडी (ता. खेड) येथे छत्रपती शिवाजी महाराज यांच्या जयंतीनिमित्त मर्दानी खेळ व विविध सांस्कृतिक कार्यक्रमांचे उत्साहात आयोजन करण्यात आले. गावातील चौकात सकाळी शिवज्योत आगमन, छत्रपतींच्या प्रतिमेचे पूजन व पुष्पहार अर्पण करून कार्यक्रमाची सुरुवात झाली. ग्रामस्थ, युवक मंडळे, महिला बचत गट तसेच विद्यार्थ्यांनी मोठ्या संख्येने उपस्थित राहून उत्सवात सहभाग नोंदविला.
सकाळी आठ वाजता शिवज्योत आगमन, मिरवणूक, शिव जन्मोत्सव, पाळणा आरती, त्यानंतर सकाळी १० वाजता मर्दानी खेळ व प्राथमिक शाळेतील मुलांचे सांस्कृतिक कार्यक्रम, पारंपरिक पोशाखातील विद्यार्थ्यांनी लेझीम, मर्दानी खेळ, पारंपरिक वेषभूषा व संगीत कार्यक्रम झाले. शालेय विद्यार्थ्यांनी शिवचरित्रावर आधारित नाटिका, पोवाडे आणि देशभक्तिपर गीते सादर करून उपस्थितांची मने जिंकली. संध्याकाळी छत्रपती शिवाजी महाराजांच्या प्रतिमेची भव्य मिरवणूक काढण्यात आली. त्यानंतर शिवभोजणाचे आयोजन केले होते.

00135