दावडी, ता. ३० : खेड तालुक्यातील वाफगाव येथे न्यायप्रविष्ट असलेल्या जमिनीवर बेकायदा ताबा मिळवण्याच्या प्रयत्नातून जमाव जमवून मारहाण व दमदाटी केल्याप्रकरणी भोसरी (ता. हवेली) येथील तिघांसह २० ते २२ जणांवर गुन्हा दाखल केला आहे.
याप्रकरणी ऋषिकेश साहेबराव सुर्वे (रा, वाफगाव- मांदळेवस्ती, ता. खेड) यांनी खेड पोलिस ठाण्यात फिर्याद दिली आहे. त्यानुसार नवनाथ बबन गवळी, नारायण बबन गवळी, मच्छिंद्र बबन गवळी सर्व राहणार भोसरी, (ता. हवेली) तसेच ८ ते १० अज्ञात पुरुष व १० ते १२ महिलांविरोधात गुन्हा दाखल केला आहे.
तसेच, आरोपींनी शेतातील पिकांचे नुकसान करून अनधिकृतपणे खड्डे खोदत लोखंडी खांब उभारण्याचा प्रयत्न केला. तसेच, पोल्ट्री व्यवसायासाठी वापरात असलेले स्टील साहित्य व कुट्टी मशीन चोरी केली. या पूर्वीही २०२३ व १२ ऑक्टोबर २०२५ रोजी या आरोपींविरुद्ध गुन्हा दाखल झाला होता.
दरम्यान, आरोपी पक्षातील निकिता दामोदर चौरे (सध्या रा. केसनंद फाटा, वाघोली, ता. हवेली; मूळ रा. कपिलवस्तीनगर, यवतमाळ) यांनीही खेड पोलिस ठाण्यात फिर्याद दाखल केली आहे. D26A00229