घोडेगाव, ता. ९ : नारोडी (ता. आंबेगाव) येथील मुक्तांगण आदिवासी वसतिगृहातील मुलींनी रक्षाबंधनानिमित्त विविध प्रकारच्या राख्या तयार केल्या असल्याचे वसतिगृहाच्या अधीक्षिका अश्विनी हगवणे यांनी सांगितले. या राख्या विद्यालयात आयोजित प्रदर्शनात ठेवण्यात आल्या.
शाळेतील विद्यार्थ्यांनी उत्साहाने सर्व राख्या विकत घेतल्या. पहिल्याच वर्षी या उपक्रमाला चांगला प्रतिसाद मिळाला. महाराष्ट्र आरोग्य मंडळाचे सचिव अनिल गुजर, सहसचिव अरुण गुजर, लेखा अधिकारी सागर मिटकरी व प्रकल्प समन्वयक किशोर भोर यांनी या उपक्रमाचे कौतुक केले.