गराडे, ता. ३: गुरोळी (ता. पुरंदर) येथे ढोल ताशांच्या गजरात बैलांच्या मिरवणूक काढून बैलपोळा साजरा करण्यात आला. मिरवणुकीत भंडाऱ्याची उधळण करत बैलांची मिरवणूक काढण्यात आली.
पारंपरिक सणाला देखील ग्रामीण भागामध्ये मोठे महत्त्व आहे. यांत्रिकीकरणामुळे सर्वत्र बैलांची संख्या दिवसेंदिवस कमी होत आहे. शेतकरी अजूनही आर्थिक चक्रात गुरफटलेला असला तरी होणारा हा सण बैलाची मिरवणूक काढत आनंदाने साजरा करण्यात आला. शेतकरी ज्याच्या जीवावर शेत शिवार फुलवायची त्या सर्जा राजाचा हा पोळा सण उत्साहात होणे गरजेचे असल्याचे गुरोळी तंटामुक्ती अध्यक्ष संतोष खेडेकर यांनी सांगितले. मिरववुकीत शेतकरी ग्रामस्थ, महिला व तरुण वर्ग उपस्थितीत होता.