सासवड शहर, ता. १४ : गुंजवणी पुरंदर तालुक्यातील महत्त्वाचा प्रकल्प आहे. शेतकऱ्यांच्या हितासाठीच्या आहे. त्यातून सासवड शहराच्या पिण्यासाठीच्या पाण्याचा प्रश्न सुटण्याचा मार्ग मोकळा झाला आहे. आता गुंजवणी योजनेतून ०.४३ टीएमसी पाणी आरक्षित ठेवले आहे, अशी शेतकरी संघटनेचे अध्यक्ष दिलीप गिरमे यांनी सांगितले.
सासवड (ता पुरंदर) येथे दिलीप गिरमे यांनी पत्रकार परिषदेचे आयोजन केले होते. यावेळी प्रसार माध्यमांशी बोलताना त्यांनी सांगितले की, पाण्यासाठी महाराष्ट्र जीवन प्राधिकरण यांच्यामार्फत योजनेचा पाठपुरावा केला तर पाण्याचा प्रश्न सुटेल, असे उपमुख्य कार्यकारी अधिकारी नीरा देवधर प्रकल्प यांनी गिरमे यांना पत्रामध्ये लेखी दिले आहे.
ग्रामीण भागात असणाऱ्या अनेक योजना कऱ्हा नदीवरून आहेत. यामध्ये हेच पाणी सोमर्डी च्या परिसरामध्ये सोडले तर तालुक्यातील अनेक गावांचा पिण्याच्या पाण्याचा प्रश्न सुटणार आहे असे देखील गिरमे यांनी यावेळी सांगितले.