गराडे, ता. २२ : ‘‘शरीर व मन निरोगी राहण्यासाठी योगाचे आपल्या जीवनात अनन्य साधारण महत्त्व आहे,’’ असे प्रतिपादन पश्चिम महाराष्ट्र भारतीय जनता पक्षाचे अध्यक्ष जालिंदर कामठे यांनी केले.
वसंतदादा पाटील प्रतिष्ठानच्या गुरुवर्य नारायण महाराज माध्यमिक विद्यालय हिवरे येथे आंतरराष्ट्रीय योग दिन उत्साहात साजरा करण्यात आला यावेळी ते बोलत होते.
कार्यक्रमप्रसंगी सामाजिक कार्यकर्ते शब्बीरभाई शेख, सुदर्शन कुदळे, नंदू शेठ गायकवाड, सोपान कामठे, मुख्याध्यापिका सुनीता रायडू, रोहिणी गायकवाड, चंद्रशेखर गुरव, दत्तात्रेय गायकवाड, विकास भोसले, संदीप चाचर, मेघा गायकवाड, स्वाती बोरकर, वैशाली पवार, स्मिता बोराटे व इतर मान्यवर उपस्थित होते. दरम्यान, योगाची प्रात्यक्षिके संजय शेडगे यांच्या मार्गदर्शनाखाली पार पडली.