गराडे, ता. १२ : गराडे (ता. पुरंदर) येथील विविध कार्यकारी सोसायटीचे अध्यक्ष विलास गावडे व उपाध्यक्ष सत्यवान शेलार यांनी आपल्या पदाचा कार्यकाळ संपल्याने राजीनामा दिला होता. रिक्त अध्यक्षपदी अंजना जगदाळे, तर उपाध्यक्षपदी पांडुरंग जगदाळे यांची बिनविरोध निवड केल्याचे निवडणूक निर्णय अधिकारी अमरीन एम. बागवान यांनी जाहीर केले. सहाय्यक निवडणूक सहकारी म्हणून राहुल शेंडकर यांनी काम पाहिले. ही निवडणूक कात्रज दूध डेअरीचे माजी संचालक व भाजपचे जिल्हा उपाध्यक्ष गंगाराम जगदाळे यांच्या मार्गदर्शनाखाली पार पडली. या वेळी सोसायटीच्या संचालक अंजनाबाई जगदाळे, दिलीप जगदाळे, पांडुरंग जगदाळे, वसंत जगदाळे, संतोष जगदाळे, उत्तम जगदाळे, सदाशिव रावडे, अनंता दूरकर, सुरेखा ढोणे, भगवान शेवते, शेखर पवार, सरपंच नवनाथ गायकवाड, उपसरपंच सुजाता कुंभार, शिवाजी जगदाळे, योगेश जगदाळे, सुनील पवार, सुनील जगदाळे, भानुदास रावडे, लहू जगदाळे, संजय रावडे, बाळासाहेब रावडे, मोहन जगदाळे, मोहन घारे, बाळासाहेब दूरकर आदी उपस्थित होते.