गराडे, ता. ४ : छत्रपती शिवाजी महाराज महाराजस्व समाधान शिबिर हा लोकाभिमुख उपक्रम शासनाकडून सुरू केला आहे. हे अभियान नागरिकांच्या महसूल संबंधित तक्रारी व तक्रारींचे निराकरण करण्यासाठी राबवले जात आहे. काळेवाडी येथे या शिबिराचे आयोजन केले होते. या शिबिराचे उद्‍घाटन आमदार विजय शिवतारे यांच्या हस्ते करण्यात आले.
या अभियानाच्या माध्यमातून महसूल विभागाशी निगडित प्रश्‍न निकाली काढून यात शेतकरी बांधवांसाठी ७/१२ उतारा दुरुस्ती, फेरफार नोंदी, वारस नोंद, जाती, उत्पन्न, रहिवासी दाखले, जुने दस्त नोंदवही व पडताळणी, मालमत्ता नोंदणी, जमिनीचे वर्गीकरण व मोजणी यांसह विविध योजनांचे लाभ, दाखले नागरिकांना घेतले. छत्रपती शिवाजी महाराज महाराजस्व समाधान शिबिराच्या माध्यमातून प्रातिनिधिक स्वरूपात प्रदान केले. यात ‘शासन आपल्या दारी’ अंतर्गत स्वयं सहायता गट धनादेश वाटप, वय, राष्ट्रीयत्व, अधिवास दाखले, उत्पन्न दाखले, गोल्डन कार्ड, महिलांना बेबी केअर किट, आभा कार्ड, डीबीटी लाभ, कुपोषित आहार किट, संगणक संच, शेततळे अस्तरीकरण लाभ, कर्जमुक्ती दाखले, स्व.गोपीनाथ मुंडे अपघात विमा योजना लाभ, फळपीक विमा, रोटाव्हेटर पेरणी यंत्र, नांगरणी यंत्र, ट्रॅक्टर वाटप, घरकुल लाभ, सिंचन विहीर लाभ, वृक्ष लागवड, लखपती दीदी, सनद वाटप, प्रॉपर्टी कार्ड वाटप यांचे वाटप केले.

या वेळी उपविभागीय अधिकारी वर्षा लांडगे, तहसीलदार विक्रमसिंह राजपूत, गटविकास अधिकारी प्रणोती श्रीश्रीमाळ, तालुका कृषी अधिकारी श्रीधर चव्हाण, निवासी नायब तहसीलदार संदीप पाटील, महसूल नायब तहसीलदार सोनाली वाघ, नायब तहसीलदार जाधव साहेब, निवडणूक नायब तहसीलदार गोंजारी, मंडलाधिकारी सुहास कांबळे, ग्राम महसूल अधिकारी रोहन यादव, गणेश सुतार, हरिश्‍चंद्र फरांदे, कल्पेश कठारे, बाबा भागवत, दत्तात्रेय जगदाळे, पुणे जिल्हा राष्ट्रवादी युवक अध्यक्ष अमित झेंडे, योगेश काळे, सरपंच रूपेश राऊत, शब्बीर सय्यद आदी उपस्थित होते.
शिवव्याख्याते प्रा. सतीश कुमदाळे यांनी सूत्रसंचालन केले.