सासवड शहर, १४ : ‘‘मागील वीस वर्षांत शेणखते कमी झाली. याची जागा रासायनिक खतांनी घेतली. आर्थिक सुबत्तेसाठी आपण खते वापरली. मात्र, दुसऱ्या बाजूला विविध रोग तसेच कर्करोगांची हॉस्पिटलही वाढवत आहोत. हे थांबवायचे असेल तर निसर्गाचे संतुलन बिघडवून चालणार नाही. भविष्यात विषमुक्त शेतीची हीच काळाची गरज असेल,’’ असे प्रतिपादन शास्त्रज्ञ जयदेव बर्वे यांनी केले.
सासवड (ता.पुरंदर) येथे इस्कॉनच्या वतीने व निविष्ठा व गुण नियंत्रणाचे कृषी संचालक सुनील बोरकर यांच्या मार्गदर्शनाखाली विषमुक्त शेतीच्या दिशेने वाटचाल या विषयावर चर्चासत्राचे आयोजन केले होते. यावेळी वनस्पती शास्ञज्ञ डॉ. युवराज बालगुडे यांनी विचार व्यक्त केले. तसेच महेश चौखंडे यांनी ॲग्रोवन शेतकऱ्यांनी अवश्य वाचावा, असे सांगून ॲग्रोवनच्या योजनेची माहिती दिली.
यावेळी सिद्राम भुजबळ, शेतकरी दिलीप जाधव, विलास जगताप, आप्पासाहेब पुरंदरे, संभाजी गरुड, महेश जगताप, अशोक काळे, किसन कामठे, मुरलीधर कामठे, मनोहर ताथवडकर, वामन भोंगळे, काका चौरे, पवन खैरे, जितेंद्र तळेकर, धनंजय भोंगळे, विनोद काळे, वसंत काळे, बाळासाहेब काळे, दीपक काळे, अमोल काळे आदी शेतकरी उपस्थित होते.
प्रदीप पोमण यांनी सूत्रसंचालन तर विलास जगताप यांनी आभार मानले.
11405