सासवड शहर, ता.१४ : पुणे जिल्हा शिक्षण मंडळाचे, वाघिरे महाविद्यालय, सासवड (ता. पुरंदर) येथे स्वातंत्र्यदिनानिमित्त महाविद्यालयीन विद्यार्थी, प्राध्यापक व प्रशासकीय कर्मचारी यांच्यासाठी ‘तिरंगा दौड - आरोग्य मॅरेथॉन’ आयोजित केली होती. मॅरेथॉनचे उद्‍घाटन उपप्राचार्य डॉ. बी.यू. माने, डॉ.संजय झगडे, अशोक कोंढावळे यांच्या हस्ते झाले.
‘धावूया भारतासाठी, धावूया आरोग्यासाठी’ हे घोषवाक्य घेऊन ही स्पर्धा प्राचार्य डॉ. पंडित शेळके यांच्या मार्गदर्शनाखाली व शारीरिक शिक्षण संचालक प्रा. प्रीतम ओव्हाळ यांच्या संकल्पनेतून आयोजित करण्यात आली होती. यावेळी बोलताना प्राचार्य डॉ. पंडित शेळके यांनी ‘‘भारतीय या नात्याने कोणत्याही प्रसंगात एकत्रित राहणे गरजेचे आहे व भारताला महासत्ता बनवायचे असल्यास आरोग्य जपणे ही नागरिक म्हणून आपली आद्य जबाबदारी आहे,’’ असे मत व्यक्त केले. प्रा. ओव्हाळ यांनी कार्यक्रमाचे आयोजन व सूत्रसंचालन केले.

स्पर्धेचा निकाल पुढीलप्रमाणे :
३ किलोमीटर धावणे आरोग्य मॅरेथॉन विद्यार्थी पुरुष गट :
गोपाल चव्हाण (प्रथम क्रमांक) १०:००, आनंद कोकरे (द्वितीय क्रमांक)१०:४५, अभिजित कुंभारकर (तृतीय क्रमांक)११:५८.

विद्यार्थी महिला गट :
दीपिका निशाद (प्रथम क्रमांक)१६:२०, श्रावणी जगताप (द्वितीय क्रमांक)१६:५२, पियुषा वालगुडे (तृतीय क्रमांक)१७:२१.
GRD25B11409