सासवड शहर, ता. १७ : नगर विकास विभाग महाराष्ट्र शासन मुंबई यांच्या आदेशान्वये नगरपरिषद सार्वत्रिक निवडणूक २०२५ करिता कालबद्ध कार्यक्रम जाहीर केला आहे. त्याअन्वये सासवड नगरपरिषद क्षेत्राची १८ ऑगस्ट ते ३१ ऑगस्ट या कालावधीत प्रारूप प्रभाग रचना प्रसिद्ध करण्यात येत आहे. सदर प्रभाग रचना कार्यालयीन वेळेत नगरपरिषदेच्या नोटीस बोर्डवर उपलब्ध असेल, तसेच नगरपरिषदेच्या वेबसाइटवर उपलब्ध असेल. त्यावरील हरकती व सूचना नागरिकांनी हरकती व सूचना विहित वेळेत नोंदवाव्यात. इच्छुक नागरिकांनी आपली हरकती/ सूचना नगरपरिषद कार्यालयातील आवक-जावक विभागामध्ये लेखी स्वरूपात सादर कराव्यात. हरकती व सूचना सादर केलेल्या नागरिकांना स्वतंत्रपणे सुनावणीसाठी वेळ देण्यात येऊन त्यांचे म्हणणे ऐकण्यात येईल. मुदतीनंतर आलेल्या हरकतींचा व सूचनांचा विचार केला जाणार नाही, असे सासवड नगरपरिषदेचे मुख्याधिकारी डॉ. कैलास चव्हाण यांनी सांगितले.