सासवड शहर, ता. १० : सासवड येथील संजीवनी फाउंडेशनतर्फे यंदाही डॉ. बाबासाहेब आंबेडकर राज्य क्रीडारत्न पुरस्कार जाहीर करण्यात आले असून, त्याकरिता अर्ज करण्याचे आवाहन करण्यात आले आहे. क्रीडा क्षेत्राच्या प्रगतीसाठी आयुष्य वेचणाऱ्या गुणवंतांचा गौरव राष्ट्रीय क्रीडादिनी म्हणजेच २९ ऑगस्ट रोजी थाटात करण्यात येतो. यंदा या उपक्रमाचे सलग तिसरे वर्ष आहे. फाउंडेशनचे अध्यक्ष अमित जगताप आणि सचिव अर्चना जगताप यांनी ही माहिती प्रसिद्ध केली आहे. या मानाच्या पुरस्काराचे स्वरूप सन्मानपत्र, श्रीफळ, पगडी आणि उपरणे असे असणार आहे.
खेळाडू, प्रशिक्षक, शारीरिक शिक्षण शिक्षक, क्रीडा पत्रकार, क्रीडा लेखक, पालक आणि संघटक अशा एकूण चौदा विविध प्रवर्गांमध्ये हे पुरस्कार दिले जाणार आहेत. क्रीडा संस्कृती जोपासणाऱ्या संस्थाचालकांसह लोकप्रतिनिधी आणि प्रशासकीय अधिकाऱ्यांचाही यात गौरव होणार आहे. यामुळे क्रीडा क्षेत्रातील कार्यकर्त्यांना प्रोत्साहन मिळून राज्यातील क्रीडा चळवळ अधिक मजबूत होण्यास मोठी मदत होणार आहे.
या पुरस्कारासाठी अर्ज करण्यासाठी पुढील गुगल लिंक वापरावी.
https://forms.gle/hKymm5rf5jyomypX9