गुनाट, ता. १ : करडे (ता. शिरूर) येथील करडे विविध कार्यकारी सोसायटीच्या अध्यक्षपदी प्रल्हाद वाळके तर उपाध्यक्षपदी तुषार रोडे यांची बिनविरोध निवड करण्यात आली. दरम्यान, बाजीराव गाडे व निखिल देशमुख यांनी अनुक्रमे अध्यक्ष, उपाध्यक्षपदाचा राजीनामा दिल्याने हे पद रिक्त झाले होते. त्यामुळे नवीन अध्यक्ष व उपाध्यक्षपदांच्या निवडीसाठी संचालकांची बैठक बोलावण्यात आली होती. त्या बैठकीत हा निर्णय एकमताने घेण्यात आला. निवडणूक निर्णय अधिकारी म्हणून प्रशांत पिसाळ यांनी काम पाहिले. यावेळी जिल्हा परिषदेच्या नवनिर्वाचित सदस्य वृषाली वाळके, माजी जिल्हा परिषद सदस्य राजेंद्र जगदाळे, बबन वाळके, माजी उपसरपंच गणेश रोडे, सचिव शरद भोसले, राजेंद्र गायकवाड, कैलास वाळके, बाळासाहेब वाळके, लक्ष्मण वाळके, विशाल घायतडक यांसह गावातील विविध पदाधिकारी व ग्रामस्थ उपस्थित होते. शेतकरी सभासदांच्या हिताचे निर्णय डोळ्यासमोर ठेवूनच आपण काम करणार असल्याचे नवनिर्वाचित अध्यक्ष प्रल्हाद वाळके यांनी सांगितले.
0335, 0337