जुन्नर, ता.२८ :आमलेवाडी (ता.जुन्नर) येथे ढाकोबाच्या यात्रा उत्सवात मिरवणुकीत नाचताना धक्का लागला. या कारणावरून तरुणास मारहाण करणाऱ्या दहा जणांविरोधात जुन्नर पोलिसांनी गुन्हा दाखल केला आहे. याबाबत फिर्याद किशोर जालिंदर केदार याने दिली आहे.
फिर्यादीनुसार पोलिसांनी शुभम आमले, राहुल आमले, अजिंक्य आमले, भास्कर आमले, अनुरुद्र आमले, दिनकर आमले, साहिल आमले, प्रणव आमले, धीरज आमले, सुनील आमले (सर्व रा.आमलेवाडी) यांच्याविरोधात गुन्हा दाखल केल्याचे पोलिस निरीक्षक नारायण पवार यांनी सांगितले.
सायंकाळी यात्रेत काठीची मिरवणूक सुरू असताना किशोर याच्या हातातील काठीस लाथ मारून शिवीगाळ करत सुनील तेथून निघून गेला. यानंतर मिरवणुकीत नाचताना धक्का लागल्याचे कारणावरून त्यास हातातील लोखंडी कडे व फायटरने किशोर यास जखमी केले. पुढील तपास सहायक फौजदारभोजने करत आहेत.