खळद, ता. १० : शिवरी (ता. पुरंदर) येथील पुणे जिल्हा मध्यवर्ती सहकारी बँकेच्या शाखेमार्फत खळद, शिवरी व वाळुंज येथील शेतकऱ्यांना पाच कोटी रुपयांच्या पीक कर्जाचे वाटप करण्यात आले. जिल्हा बँकेचे संचालक संजय जगताप यांच्या हस्ते हे वाटप झाले. यावेळी जगताप यांनी सांगितले, ‘‘की केंद्र व राज्य सरकारच्या प्रत्येकी तीन टक्के व्याज परताव्यामुळे शेतकऱ्यांना हे कर्ज शून्य टक्के दराने उपलब्ध होते. मार्चअखेर कर्जाची परतफेड करून एप्रिलमध्ये नव्याने कर्ज घेतल्याने शेतकऱ्यांना खरीप पेरणीसाठी आर्थिक मदत होते. शिवरी शाखेअंतर्गत येत्या काळात १५ कोटी रुपयांपर्यंत कर्ज वाटपाचे उद्दिष्ट आहे.’’ या प्रसंगी अनिल उरवणे, महेश खैरे, किरण जाधव, शाखाधिकारी नीता मानकर उपस्थित होते.