कडूस, ता. ३ : कडूस (ता.खेड) व परिसरात भाद्रपदी बैलपोळा उत्साहात साजरा झाला. परिसरात मशागतीच्या बैलांची संख्या नगण्य असली तरी बैलगाडा मालक व बैलगाडा शौकिनांची संख्या मोठी आहे. विविध संघटनांच्या या बैलगाडा मालक व बैलगाडा शौकिनांनी एकत्र येत भंडाऱ्याची उधळण व वाद्यांच्या तालावर मिरवणूक काढीत बैलपोळा सण उत्साहात साजरा केला.
खेड तालुक्याच्या पश्चिम पट्ट्यातील कडूस, रानमळा, दोंदे, वडगाव, सायगाव, साबुर्डी, गारगोटवाडी परिसरात भाद्रपद महिन्यातील बैलपोळा साजरा केला जातो. परिसरात शेतीच्या मशागतीसाठी ट्रॅक्टरचा मुख्यत्वे वापर होतो. सोयाबीनला समाधानकारक बाजारभाव नसल्याने शेतकऱ्यांनी नाराजी व्यक्त केली. बाजारभाव मिळाला तर शेतकऱ्यांनी बैलपोळा सण आणखी उत्साहात साजरा केला असता, असे पैलवान अक्षय गायकवाड बैलगाडा संघटनेचे कुमार गायकवाड यांनी सांगितले.

01408