कानगाव, ता. १२ : कुसेगाव (ता. दौंड) येथील श्रीराम विविध कार्यकारी सेवा सहकारी सोसायटीच्या अध्यक्षपदी दत्तात्रेय रूपनवर आणि उपाध्यक्षपदी किसन भोसले यांची बिनविरोध निवड करण्यात आली. अध्यक्ष सुरेखा पवार व उपाध्यक्ष नरसिंग शितोळे यांनी राजीनामा दिल्यामुळे रिक्त जागी निवडी करण्यात आल्या. निवडणूक निर्णय अधिकारी म्हणून राहुल गोटखिंडे यांनी काम पाहिले.
याप्रसंगी सोसायटीचे संचालक नरसिंग शितोळे, संपत भोसले, मधुकर शितोळे, सुरेश भोसले, सुरेखा पवार, सौरभ शितोळे, विकास कोळपे, संजय पवार, अनिल रूपनवर, योगेश रूपनवर, संजय आगवणे, संतोष भोसले आदी उपस्थित होते.