केसनंद, ता.७ : पुणे-नगर रस्त्यावरील लोणीकंद (ता. हवेली) १२ वा मैल येथे भारतीय जनता पक्षाच्या शिरूर-हवेली विधानसभा कार्यालयाचे उद्‌घाटन उद्या (ता. ८) भाजपचे प्रदेशाध्यक्ष चंद्रशेखर बावनकुळे यांच्या हस्ते करण्यात येणार आहे. हा कार्यक्रम सायंकाळी पाच वाजता होणार आहे.
उद्‌घाटनप्रसंगी बावनकुळे यांच्यासह त्र्यंबकेश्वर येथील आनंद आखाड्याचे गुरुवर्य श्री महंत गिरीजानंद सरस्वती महाराज तसेच पुणे शहर व जिल्ह्यातून भाजपचे अनेक पदाधिकारी उपस्थित राहणार असल्याचे हवेली तालुकाध्यक्ष पहिलवान संदीप भोंडवे व शिरूर तालुकाध्यक्ष आबासाहेब सोनवणे यांनी सांगितले. सुमारे साडेतीन हजार चौरस फुटांच्या या मध्यवर्ती कार्यालयात अत्याधुनिक सर्वसोयी सुविधा असल्याने येत्या काळात पदाधिकारी व कार्यकर्त्यांना अधिक प्रभावी संघटनात्मक कामकाज करता येणार असल्याचा विश्वास जिल्हा बँकेचे संचालक प्रदीप कंद यांनी व्यक्त केला आहे.