केडगाव, ता. १ : दौंड तालुका खरेदी विक्री संघाच्या अध्यक्षपदी खामगाव येथील विजय नागवडे यांची बिनविरोध निवड झाली. यापूर्वीचे संघाचे अध्यक्ष विश्वास भोसले यांचा कार्यकाल पूर्ण झाल्याने त्यांनी राजीनामा दिल्यामुळे हे पद रिक्त होते. या रिक्त पदासाठी नागवडे यांचा एकमेव अर्ज आल्यामुळे त्यांची बिनविरोध निवड झाली. यावेळी सहाय्यक निबंधक अरुण साकोरे यांनी निवडणूक निर्णय अधिकारी म्हणून काम पाहिले.
यावेळी माजी आमदार रमेश थोरात, राष्ट्रवादी काँग्रेसचे तालुकाध्यक्ष उत्तम आटोळे, वीरधवल जगदाळे, झुंबर गायकवाड, पोपटराव ताकवणे, लक्ष्मण दिवेकर, अप्पासाहेब कोराळे, काळुतात्या नागवडे आदी उपस्थित होते.