केडगाव, ता. ५ ः बोरीपार्धी ( ता.दौंड ) येथे नवरात्र उत्सवानिमित्त दांडीया स्पर्धेला महिलांचा उत्स्फुर्त प्रतिसाद मिळाला. स्पर्धेत ३६० मुलामुलींनी भाग घेतला. या स्पर्धेत स्वरा सोडनवर ही मोठ्या गटात प्रथम ठरली. तर, स्वरा ताडगे ही लहान गटात प्रथम आली.
शिवसाई नवरात्र मंडळाने ही स्पर्धा आयोजित केली होती. मंडळाचे यंदा २७ वे वर्ष आहे. गावातील चावडीसमोर झालेल्या दांडीया स्पर्धेत पाच वर्षापासून ते ६० वया पर्यंतचे स्पर्धक होते. दोन तास हे दांडीया नृत्य चालू होते. यावेळी युवक व युवती स्पर्धक वेगवेगळी वेशभूषा व मेकअप करून आले होते. विशेष वेशभूषा व मेकअपसाठी शुभ्रा रायसोनी, चेतन पाटोळे, यश चव्हाण, वंदना गरदडे, श्रद्धा जाधव, अतुल शेलार यांना गौरविण्यात आले. यावेळी सरपंच बी. डी. सोडनवर, माजी सरपंच संगिता ताडगे, प्रणिता सोडनवर, सुनील सोडनवर, भानुदास नेवसे, संपत मगर, अप्पासाहेब ताडगे, शेखर सोडनवर, रवींद्र चव्हाण, बाबा चव्हाण, सविता ताडगे, सुरज शर्मा, दीपक कोकरे, सुरेश ताडगे, गणेश नेवसे आदी उपस्थित होते. परिक्षक म्हणून सुषमा कांबळे, सोनल गडधे, बालाजी चांदगुडे यांनी काम पाहिले. अशोक ताडगे, प्रणव रायसोनी, अमर खैरे, संकेत जाधव, भैय्या पाटोळे, गणेश ताडगे, प्रदीप ताडगे, ओंकार अडसूळ, सर्वजित ताडगे व त्यांच्या सहकाऱ्यांनी स्पर्धेचे संयोजन केले. दत्ता सस्ते यांनी सूत्रसंचालन केले.