कोळवण, ता. ८ : केंद्र व राज्य सरकारच्या विविध योजनांचा लाभ घेण्यासाठी आवश्यक असणाऱ्या अॅग्रीस्टॅक ‘फार्मर युनिक आयडी’ हे कार्ड शेतकऱ्यांनी काढून घ्यावे, असे आवाहन मावळ-मुळशीचे उपविभागीय अधिकारी सुरेंद्र नवले पाटील यांनी केले आहे.
मुळशी तालुक्यात आतापर्यंत ४०,४७४ अॅग्रीस्टॅक कार्ड न काढलेले शेतकरी आहेत. मुळशीतील एकूण शेतकरी खातेदार संख्या- ५९,६७४
त्यापैकी अॅग्रीस्टॅक ''फार्मर युनिक आयडी'' काढलेले शेतकरी खातेदार संख्या तीन जूनपर्यंत १९,२०० ऐवढी आहे.
दरम्यान, शेतकरी बांधवांनी आपले अॅग्रीस्टॅक कार्ड आठ दिवसांत बनवून घ्यावा यासाठी राज्याचे मुख्यमंत्री, विभागीय आयुक्त, जिल्हाधिकारी यांनीही वेळोवेळी आवाहन केले आहे तरी राहिलेल्या शेतकऱ्यांनी आपले फार्मर आयडी काढून घ्यावे, असे नवले पाटील यांनी केले आहे.