कोळवण, ता. १४ ः कुळे येथील भैरवनाथ मंदिर प्रांगणात सुवर्ण महोत्सवी अखंड हरिनाम सप्ताहाचे आयोजन रविवार (ता. १५) ते शुक्रवार (ता. २०)पर्यंत कुळे ग्रामस्थांनी केले आहे. सप्ताहाचे हे पन्नासावे वर्ष आहे. सप्ताहात दररोज पहाटे काकड आरती, ज्ञानेश्वरी पारायण, प्रवचन, हरिपाठ, कीर्तन व महाप्रसाद भोजन असे कार्यक्रम आयोजित केले आहेत. रविवारी (ता. १५) सुशील महाराज जाधव, सोमवारी (ता. १६) देवेंद्र महाराज निढाळकर, मंगळवारी (ता. १७) गणेश महाराज कार्ले, बुधवारी (ता. १८) श्रीकांत महाराज पातकर, गुरुवारी (ता. १९) ओमकार महाराज दुडे, शुक्रवारी (ता. २०) संजय महाराज भरम यांचे काल्याचे कीर्तन होणार आहे.