कोळवण, ता. १५ : काशिग येथे टेमघरे मुकादम यांचे कुलदैवत दाराई देवीची स्थापना आणि कलशारोहण कार्यक्रम उत्साहात झाला. शनिवारी (ता. ११) पारंपरिक रथातून मूर्तीची मिरवणूक मृदंगाच्या तालात वारकरी, गुरुकुल मधील विद्यार्थ्यांनी ढोल ताशाच्या गजरात काढली. रविवारी (ता. १२) पहाटे मूर्तीची प्राणप्रतिष्ठा करण्यात आली. त्यानंतर होमहवन, कलशारोहण सोहळा झाला. सायंकाळी अर्चना गिरी (संगमनेर) यांचे कीर्तन झाले. त्यानंतर महाप्रसाद देण्यात आला.