शिक्रापूर, ता. ११ : येथील महादेव सूर्यवंशी (वय २१) या युवकाने राहत्या घरात गळफास घेऊन आत्महत्या केली. शिक्रापूर पोलिसांनी त्याची आकस्मात मृत्यू म्हणून नोंद केली आहे.
येथील महादेव याने आपल्या राहत्या घरात आई व मोठा भाऊ मारुती घरात नसताना दुपारच्या सुमारास दोरीच्या साहाय्याने गळफास घेतला.
महादेवची आई घरात आली असता त्यांना हे दृश्‍य दिसून आले. यावेळी स्थानिक नागरिकांनी महादेवला खाली उतरवून उपचारासाठी रुग्णालयात दाखल केले असता, डॉक्टरांनी महादेव हिराजी सूर्यवंशी (वय २१, रा.चाकणरोड, शिक्रापूर, ता.शिरूर, जि.पुणे, मूळ रा.मुळोजा, ता.उमरगा, जि.धाराशिव) याचा मृत्यू झाल्याचे घोषित केले. याबाबत मारुती हिराजी सूर्यवंशी (वय २४, रा.चाकणरोड, शिक्रापूर, ता.शिरूर, जि.पुणे, मूळ रा.मुळोजा, ता.उमरगा, जि.धाराशिव) यांनी शिक्रापूर पोलिस ठाणे येथे खबर दिली. पोलिसांनी त्याच्या आकस्मात मृत्यूची नोंद केली असून याबाबत पुढील तपास पोलिस हवलदार बापू हाडगळे करीत आहेत.