खुटबाव, ता. ३० : यवत (ता. दौंड) येथील निळकंठेश्वर मंदिरामध्ये छत्रपती शिवाजी महाराजांच्या प्रतिमेची विटंबना झाल्याच्या पार्श्वभूमीवर गुरुवारी (ता. ३१) हिंदू जन आक्रोश मोर्चाच्या वतीने दौंड तालुका बंदची हाक दिली आहे. या दिवशी तालुक्यातील सर्व गावातील व्यवहार बंद राहणार आहेत. तसेच, यवत येथे सायंकाळी चार वाजता जनआक्रोश मोर्चाचे आयोजन केले आहे. यावेळी ग्रामदैवत काळभैरवनाथ मंदिरामध्ये निषेध सभा होणार आहे. या सभेसाठी सद्‍गुरू स्वामी हेमांगी सखी, आमदार गोपीचंद पडळकर व आमदार संग्राम जगताप उपस्थित राहणार आहेत.